Våula Bulåggna
Gigén Lîvra - 2006

 

Da Stra Castión, Stra Stêven, Piâza Granda,
a córr al<îr par vaddr a våul d u§èl
Bulåggna, incurni§è da una grilanda
che inción pitåur pôl dpénn<er con al pnèl.

Grilanda fâta ed cópp e ed canpanéll,
ed tårr, ed pôrdg che qué i s én dè cunvàggn,
e i t §lèrg-n al côr s’t ai vadd infuganté
dal såul ch’al và a cufétt ed là da Raggn.

Vén a vulèr, Bulåggna, con Pirån,
parché da qué só in èlt i én tótt prezî§:
sgnurón, puvrétt, al fûrb, al pistulån
e i furastîr s arvî§en ai bulgnî§.

Mo sócc’mel bän, quand a m abâs in piâza
par dèr un pcòt al furmintån in grèna
a vadd la <änt pulîd, a i guèrd in  fâza
e a pòs arcgnóssr al Clinto dal’Albèna.

 

Våula con mé, Bulåggna, våula mîg,
qué as và só e <å felîz cme una sajatta
st mänter là in bâs i arm১den tant intrîg
che, quand la m scâpa, mé a i scagâi in vatta.

 

Vût fèr Pîr al pizån? Lûcio la gâ<a?
Fà pûr cum t vû. Però, se t vén con nó,
te vdrè che cheplavåur l’é sta Bulgnâza:
gnínta difèt, as vadd såul äl virtó.

A scavalózz d na gâ<a o d un pizån
vulè, bulgnî§, só in èlt såura la tèra
par tgnîr canâi e strónz sänper luntàn,
par tgnîr luntàn äl båmmb, la fâm, la guèra.

 

.